شيعريگ له جه‌ليل ئاهه‌نگه‌رنژاد

شه‌وار گيسه شووره‌گه‌ی تا خه‌يه‌ بان شانيا
فريشته‌گان ئاسمان که‌فن وه که‌شکه‌شانيا


مه‌ليوچگه‌يل مال سوو  کوروو کوروو  گرن وزوو
ئرا يه‌ک  د بال نوو  بخه‌ن  وه‌ شان وه‌ شانيا


ده‌روه‌چه‌گان کيوچه‌مان له سه‌ف وسن دوان دوان
تا بکه‌فن له‌رووژنای چه‌وه‌يله سه‌وزه‌گانيا 


چه‌و‌ی چه‌وه‌يل ئاهووه ! باخ ئنار و ليمووه !
خودا نه‌که‌ی ک ئه‌ور خه‌م بيه‌يده ئاسمانيا !


هه‌ر که ک نوور چه‌و ت که‌ی خودا بکه‌يدنه‌ی وه چوو
کوله‌نجييه‌يل شه‌يو سيه بپه‌شتنه زوانيا !