ای عشق بی نشان من از تو بی نشان شدم

X

ای عشق بی نشان من از تو بی نشان شدم

ای عشق بی نشان من از تو بی نشان شدم

	په رته و کرماشانی
بولبول گولزار عشقم بال په روازم نیه تا له سووز دل بنالم که س هه مئاوازم نیه ره نجه له خار فه راقم راخه تی به خشم کووه ئارزوو دار وسالم یار ته نازم نیه ده رده دارم ری وه کوو به م تا که ده ردم چاره که ن راز دل ئفشا وه کی که م چیونکه هه مرازم نیه بردیه تا دل و ده ستم عه قل و هووشم چی له سه ر له و چه و مه خمووره مه ستم مه یل بگمازم نیه ده رد عشقی ها له گیانم تاقه ت و سه ورم نه مه ن سووز دل دیری به یانم حاجه ت سازم نیه
+ نوشته شده در چهارشنبه بیست و نهم شهریور 1385ساعت 15:0 توسط بی نام و نشان \|

	شعری از تمکین
وا که چاک سینه گه د ده رس و کتاوم هه ر یه سه بوومه نه زر ئه و ده مه جام شه ر اوم هه ر یه سه رووژ تا شه و کار و بارم شین و شیوه ن کردنه تاق وه سانم هه ر یه سه باخ سه راوم هه ر یه سه هه م په ر و بالم به سانه هه م ده مم دیوراننه تا م بووم و حه رف حه ق نه یوشم جوواوم هه ر یه سه گش که سم ! ده ردد وه گیانم ! نیور دیده راسه گه م ! م چوه بیوشم تا تو نادانی عه زاوم هه ر یه سه شار کرماشان دیار عشقه خاپووری نه که ین خه رگ کووره بنیشم خاک و ئاوم هه ر یه سه په رته و ئه ر ئاواره م و باوان خراو و ده روه ده ر ئیوشم ئی زولمه نه مینید ناحساوم هه ر یه سه
+ نوشته شده در چهارشنبه بیست و نهم شهریور 1385ساعت 14:51 توسط بی نام و نشان \|

	شعری از رضا جمشیدی
شيعر نوويگ له ره‌زا جه‌مشيدي له شار سه‌رپيه‌ل زه‌هاو نازار ئاسمان كه‌و نازار ئاسمان كه‌و!ترسم دوواره بيوده چه‌و! بيلا خودا بچووده خه‌و!ئمشه و ئراي چوه چيدنه‌و؟! ده‌ردد له گيانِ مانگ و خوه‌ر!يه‌ي شه‌و نه‌چيدن بي‌خه‌ور! هي‌رچي وه‌تي و بان سه‌ر!هه‌ر چي تواي وه بانِ چه‌و! مال تِ هاله ئاسمان! ئه‌ولا تره ك له كه‌شكه‌شان! بيوشه خودا بيليده‌مان،وه وساي چه‌وه‌يل كالده‌و! هه‌م پرشه پرش نيورده! له خوه‌ر شنه‌فتم سيورده! ئمشه‌و كي‌ پاخه سيورده؟ تاگه‌ر قژي بكه‌نمه‌و؟! تاله‌ي هنازه تيه‌يده بان!خه‌وه‌‌ر ره‌سيده ئاسمان مانگ وخوه‌رو هساره‌گان چن تا خوه‌يان بشارنه‌و! سه‌رگول دار بايه‌مي!ت نه فره‌يد و نه‌كه‌مي! عه‌زيزه‌ خاسه‌گه‌ي خوه‌مي!چوه بودئه‌گه ر بوه‌يده مه‌و يه‌ي هه‌مگه گول‌ها باوِ شِد دوواره دايه به‌شد! قسه يل خاس خوه‌ش خوه‌شِد يا نه خودا چرچگانه‌ مه‌و بيل‌شان بيه‌م وه‌شان خوه‌د!بيوشي ت‌وه‌زوان خوه‌د! وه گيان خوه‌م وه‌گيان خوه‌د!سفره‌ي دلم له لادخه‌ مه‌و! سيران سه‌رسه راويه‌سه،شيرينه‌گه‌ي په‌راوبه‌سه! چه‌و كاله‌گه‌ي زه‌هاو يه‌سه!ئه‌سيه‌ن ئراي ديود بكه‌نه‌و! ئنار خاون گاره‌كه‌م!ئه‌ي سه‌ول باوه يا ره‌گه‌م! داوودِ كه‌و سواره گه‌م! ما چي بيا تياي خوه‌زه‌و! به‌و ئي‌گوله‌يله وا بكه!وه‌هارتر وه پا بكه! ئي‌خوه‌ره جاوه جا بكه!رووژه‌و بكه تيه‌ريكه شه‌و! پرله خه‌مه يل كه‌و كه‌وم !بي‌ت سييه‌ينكي شه‌و‌م! گلاره راسه‌گه‌ي چه‌وم!كه‌ي بوو دوواره بايد نه‌و
+ نوشته شده در دوشنبه نهم مرداد 1385ساعت 19:52 توسط بی نام و نشان \|

	شعر کردی از آقای آهنگر نژاد
شيعريگ له جه‌ليل ئاهه‌نگه‌رنژاد شه‌وار گيسه شووره‌گه‌ی تا خه‌يه‌ بان شانيا فريشته‌گان ئاسمان که‌فن وه که‌شکه‌شانيا مه‌ليوچگه‌يل مال سوو کوروو کوروو گرن وزوو ئرا يه‌ک د بال نوو بخه‌ن وه‌ شان وه‌ شانيا ده‌روه‌چه‌گان کيوچه‌مان له سه‌ف وسن دوان دوان تا بکه‌فن له‌رووژنای چه‌وه‌يله سه‌وزه‌گانيا چه‌و‌ی چه‌وه‌يل ئاهووه ! باخ ئنار و ليمووه ! خودا نه‌که‌ی ک ئه‌ور خه‌م بيه‌يده ئاسمانيا ! هه‌ر که ک نوور چه‌و ت که‌ی خودا بکه‌يدنه‌ی وه چوو کوله‌نجييه‌يل شه‌يو سيه بپه‌شتنه زوانيا !
+ نوشته شده در دوشنبه نهم مرداد 1385ساعت 19:49 توسط بی نام و نشان \|

	شیعری له ته‌مکین کرماشانی
شیعری له ته‌مکین کرماشانی هه‌رشه‌و له زولفی موته‌سل ئه‌فسانه‌مه ‌ئه‌فسانه‌مه له زه‌وق ئه‌و زه‌نجیره دل دیوانه‌مه ‌دیوانه‌مه وه‌ی گووشه‌ی ته‌نیاییه کارم قه‌ده‌ح په‌یماییه هه‌ر ئی دل سه‌وداییه پا‌یمانه‌مه‌په‌یمانه‌مه‌ که‌ی دژمنه !؟ هه‌ر دووسمه مهری وه خیون و پووسمه دلدارمه ! نامووسمه ! گیانانمه ! گیانانمه ! له عشقیه ئاو و گلم حوسنی چراخ مه‌حفلم له شه‌وقیه شه‌یدا دلم ! په‌روانه‌مه په‌روانه‌مه ! موترب بژه‌ن هه‌ر له‌و نه‌یه ! ساقی بیه هه‌له‌ی مه‌یه‌! مهمانمان ئمشه‌و خوه‌یه‌ له یانه‌مه ‌له یانه‌مه‌! ئه‌ر که‌عبیه یا ده‌یریه هه‌ر گووشه زکر خه‌یریه هه‌ر کووره بیونم غه‌یر یه بوتخانه‌مه‌ بوتخانه‌مه ! هه‌ر جا ک چیمه هه‌ر یه‌سه ! هه‌م سه‌ومعه هه‌م مه‌درسه ! پرفتنه بیو له‌و چه‌و مه‌سه ! مه‌ستانه‌مه‌مه‌ستانه‌مه‌! نه‌ ئه‌یو عه‌ره‌ز نه جه‌وهه‌ره له‌ی هه‌ر دوانه به‌رته‌ره هه‌ر ئه‌یو گرامی گه‌وهه‌ره ! یه‌یدانه‌مه‌ یه‌یدانه‌مه‌! ئه‌ی ئانا غه‌وغا مه‌که‌ئی عاشقه رسوا مه‌که ! راز دلم ئفشا مه‌که‌ بیگانه‌مه بیگانه‌مه ! ‌ له‌ی مولکه ته‌مکین دل بکه‌ن ! بایه‌د بچیمن په‌ی وه‌ته‌ن غوربه‌ت و ئابادی نه‌مه‌ن ! ویرانه‌مه‌ ویرانه‌مه‌!
+ نوشته شده در دوشنبه نهم مرداد 1385ساعت 19:36 توسط بی نام و نشان \|

	شعری از استاد پرتو کرمانشاهی
ا در کوچه باغ شعر کردی برشن دواره برشن ساقي دلم كه‌واوه ! شيتم كه تا نه‌زانم ! زانستنم عه‌زاوه ! برشن دل ت خوه‌ش بو ! ساقي ئه‌گه‌ر مِ ديمه ، كه‌س گيان وه ده‌ر نيه‌وه‌يدن له‌ي سال ناسواوه كليام و برشيامه ئي ‌ده‌رده كه‌س نيه‌زاني ئه‌شكم له تاو ديوريد هه‌م ئاگره هه‌م ئاوه گوونا وه ژير زولفد بيلا بكه‌ي خوه‌ر ئاوا بوومه خِرِ چه‌وه‌يلد! جاري چِ وه‌خت خاوه ؟! ده‌ردم كه‌سي نيه‌زاني ، داخم له بي كه‌سي خوه‌م ته‌نيا مِ چيو بكشيم ئي گشته ناحساوه ئيوشم دلم هلاكه ، تا ده‌س بنه‌يده تالان ئيوشي حه‌يا كه (( په‌رته‌و)) ! ده‌س له‌ي قسه‌يله لاوه !
+ نوشته شده در دوشنبه نهم مرداد 1385ساعت 19:36 توسط بی نام و نشان \|

	یک شعر کردی از آقای آهنگر نژاد
حه‌زره‌ت گول ! عه‌تر که‌و ئاسمان ! يه‌ی شه‌و ئه‌گه‌ر بايده خه‌و ئاسمان، بان له‌ش زه‌يو گولِ واران چه‌قی جامه‌ک هه‌فتا ره‌نگِ داران چه‌قی له‌يره وه‌هاره‌يل خودا چيوزه‌ ده‌ن هه‌م وه گه‌ل و هه‌م وه جيا چيوزه ده‌ن عه‌تر گول گولوه‌نی دالگه‌يل ! ئه‌‌زره‌ت واران له دل ئيمه مه‌يل ! له‌و فره به‌رزی ريه‌گه‌ی ئاسمان واز بکه ده‌روه‌چ چه‌و کاله‌گان واز بکه ده‌روه‌چ هه‌ر چی چه‌وه‌ واز بکه هه‌ر چگه ئاسو که‌وه‌ ***** حه‌زره ت گول ئه‌تر که‌و باخه‌گان ! يه‌ی شه‌و ئه‌گه‌ر بايده خه‌و باخه‌گان ، هه‌ر چگه داره له په‌را گول گرن په‌لپ ده‌نگ که‌و که‌و بولبول گرن هه‌ر چه وه‌هاره ره‌نگ ساداتدن هه‌رچگه پايز له په‌را ماتدن دالگ وارانی ياسه‌يل سوو ! سه‌وزی ئحساس هه‌ناسه‌يل سوو ! سه‌ردی زمسان سيه باره سه‌ر خه‌ت بيه مه‌خش شه‌و شل شل له وه‌ر *** حه‌زره‌ت گول ! عه‌تر که‌و ده‌روه‌چه‌يل ! يه‌ی شه‌و ئه‌گه‌ر بايده خه‌و ده‌روه‌چه‌يل ، بال مه‌ليوچگ ره‌نگ که‌و که‌و گری حال چه‌وه‌يله سيه‌گه‌ی شه‌و گری ! .... جه‌ليل ئاهه‌نگه‌رنژاد**
+ نوشته شده در دوشنبه نهم مرداد 1385ساعت 19:29 توسط بی نام و نشان \|